မြန်မာနိုင်ငံသည် အာရှ၏ နောက်ထပ် ကျားတကောင်ဖြစ်သည် (၁)

မြန်မာနိုင်ငံသည် အာရှ၏ နောက်ထပ် ကျားတကောင်ဖြစ်သည် (၁) ယုံ၍ ပုံမလောင်းလိုက်ပါနှင့်။ အာရှကျားနိုင်ငံများ၏ စီးပွားရေးစနစ်နှင့် မြန်မာနိုင်ငံ၏ စီးပွားရေးက နည်းနည်းမျှမတူပါ။ မြန်မာနိုင်ငံ၏ စီးပွားရေးကို ယခုတိုင် သယံဇာတ အခြေခံ စီးပွားရေးစနစ်ဖြင့် လည်ပတ်မောင်းနှင်လျှက် ရှိနေသေးပြီး သဘာဝဓာတ်ငွေ့ကဏ္ဍ၊ စိုက်ပျိုးရေး ထွက်ကုန်များ၊ ကျွန်းသစ်၊ ကျောက်စိမ်း၊ တွင်းထွက်ပစ္စည်းများဖြင့် အခြေခံ လုပ်ကိုင်နေရဆဲ ဖြစ်သည်။ ဤသို့သော အခြေခံ ထွက်ကုန်များသည် ပြီးခဲ့သည့်နှစ် မြန်မာနိုင်ငံ၏ နိုင်ငံခြား တင်ပို့ရောင်းချမှု၏ ၈၀ ရာခိုင်နှုန်း ရှိနေခဲ့သည်။ နိုင်ငံခြား ရင်းနှီးမြှုပ်နှံမှုများသည်လည်း ၎င်းကိုပင် အခြေပြု လာရောက်နေကြသည်။ ရေနံ၊ သဘာဝဓာတ်ငွေ့ကဏ္ဍနှင့် သတ္ထုတူးဖော် ရေးလုပ်ငန်းများတွင် လာရောက်မြှုပ်နှံ လုပ်ကိုင်ခဲ့ကြရာ ပြီးခဲ့သည့် ဆယ်စုနှစ် ငါးနှစ်အတွင်း၌ နိုင်ငံခြား တိုက်ရိုက်ရင်းနှီးမြှုပ်နှံမှု၏ ၉၀ ရာခိုင်နှုန်း ရှိနေသည်။ မြန်မာနိုင်ငံက အနောက်နိုင်ငံများနှင့် ပြန်၍ အဆင်ပြေ သင့်မြတ်လာသည့် အတွက်ကြောင့် ထိုကဏ္ဍများအပေါ်တွင် စိတ်ဝင်စားမှုများ ပို၍ပင် ရှိလာခဲ့သည်။ မြန်မာအစိုးရသစ်က ရေနံနှင့် သဘာဝဓာတ်ငွေ့ကဏ္ဍ လုပ်ကွက် ၁၀ ခုအတွက် သဘောတူညီမှုများကို ယခုနှစ်တွင်ပင် ထပ်၍ လက်မှတ်ရေးထိုးခဲ့ပြီး နောက်ထပ် လုပ်ကွက် ၂၃ ခုအတွက်လည်း ကမ်းလှမ်းထားသေးသည်။ ထိုမျှမက အစိုးရသစ်က သတ္တုတူးဖော်ရေး လုပ်ငန်းများနှင့် စိုက်ပျိုးရေး စီမံကိန်းများအတွက် မြေများကိုလည်း ကမ်းလှမ်းပေးအပ်ခဲ့သေးသည်၊ အချို့ သူများက တယ်လီကွန် ဆက်သွယ်ရေးနှင့် ဘဏ်လုပ်ငန်းတို့ အပေါ်တွင် စိတ်ဝင်စားမှု ရှိနေကြသော်လည်း မြန်မာနိုင်ငံ၏ သဘာဝ သယံဇာတ ထုတ်ယူရောင်းချသည့် လုပ်ငန်းသည်သာ ရင်းနှီးမြှုပ်နှံသူတို့အတွက် ဆွဲဆောင်မှုအဖြစ် ပိုမြင်နေကြသည်။ နှိုင်းယှဉ်ချက်အရ ဆိုရလျှင် အာရှကျားနိုင်ငံများက သဘာဝ သယံဇာတ ရှားပါးကြပြီး ပြည်ပပို့ကုန် တိုးတက် ဖြစ်ထွန်းလာစေရေး အပေါ်သာ မှီခိုအားထားခဲ့ကြရသည်။ သူတို့ဆီကို လာရောက်ကြသည့် နိုင်ငံရပ်ခြား ရင်းနှီးမြှုပ်နှံမှုများမှာလည်း လူသုံးကုန် ထုတ်လုပ်ရေးအတွက် လာရောက်ကြခြင်းဖြစ်ပြီး သဘာဝ သယံဇာတအတွက် လာရောက်ကြခြင်း မဟုတ်ပေ။ သူတို့က လုံးဝ မတူခြားနားသည့် နိုင်ငံတကာ အခင်းအကျင်း အနေအထားတခုတွင် ရှင်သန်ဖွံ့ဖြိုးလာခဲ့ရသူများ ဖြစ်သည်။ နိုင်ငံရပ်ခြားတင်ပို့ရန် ပြိုင်ဆိုင်မှု နည်းပါးနေသေးသော အခြေအနေတွင် ဖွံ့ဖြိုးလာခဲ့ခြင်း ဖြစ်သည်။ သူတို့က ထုတ်ကုန်များကို စားသုံးမှု အလွန်မြင့်မားသည့် အနောက်နိုင်ငံများသို့ ရောင်းချကြသည်။ အနောက်နိုင်ငံများသည် ကမ္ဘာ့စီးပွားရေး အကျပ်အတည်း၏ သက်ရောက် ရိုက်ခတ်မှုများကို ယခုလောလောဆယ်တွင် ရင်ဆိုင်နေရသည့် နိုင်ငံများ ဖြစ်သည်။ မြန်မာနိုင်ငံအတွက်မူ ကံမကောင်း အကြောင်းမလှသည့် အချက်မှာ အခြေခံထွက်ကုန်များ အားထားမှီခို တင်ပို့နေကြရသည့် နိုင်ငံများ ဖြစ်သောကြောင့် အာရှကျားနိုင်ငံများထက် ဖွံ့ဖြိုးမှုနှေးကွေးရန် အကြောင်း ရှိနေပါသည်။ တဖက်တွင်လည်း နိုင်ငံ့စီးပွားရေး၏ အခြားကဏ္ဍများတွင် တန်းတူညီမျှမှု မရှိသော ရင်းနှီးမြှုပ်နှံမှုကို ဖြစ်ပေါ်စေသည်။ ဤသို့သော အခြေအနေမျိုးကို ဒတ်ခ်ျရောဂါ (Dutch disease) ဟု ခေါ်ကြသည်။ မြန်မာနိုင်ငံအနေဖြင့် ဤကဲ့သို့သော ရောဂါမျိုးကို ခံစားနေရပြီဖြစ်၍ လာမည့်နှစ်များတွင်လည်း နိုင်ငံ၏ ဖွံ့ဖြိုးတိုးတက်မှုအတွက် အခက်အခဲ အဟန့်အတားများ ရှိနေစေဦးမည် ဖြစ်သည်။ သဘာဝဓာတ်ငွေ့ ပြည်ပ တင်ပို့ရောင်းချမှုမှ ရရှိလာသည့်ငွေကြောင့် နိုင်ငံ၏ ငွေကြေး ကျပ်တန်ဖိုးကို မြင့်တက်လာစေသည်။ ၂၀၀၇ ခုနှစ်တွင် တဒေါ်လာလျှင် ၁၄၀၀ ကျပ်မှ၊ ၂၀၁၁ ခုနှစ်တွင် ၇၀၀ ကျပ်အောက် ကျဆင်းခဲ့သည်။ ပြုပြင်ပြောင်းလဲရေး လုပ်ငန်းများအတွက် အဓိက အခက်အခဲတခု ဖြစ်စေသည်။ ဤသို့ ကျပ်ငွေဈေး ဆက်လက် မြင့်တက်နေမှုအတွက်ကြောင့် (တဖက်တွင်လည်း အထွေထွေလုပ်ငန်း စရိတ်စကများ မြင့်မားနေခြင်း၊ အခြေခံ အဆောက်အဦ ညံ့ဖျင်းခြင်း၊ ပြိုင်ဆိုင်မှု အားကောင်းသည့် အကြိတ်အနယ် ယှဉ်ပြိုင်ရသည့် နိုင်ငံတကာဝန်းကျင် အခြေအနေရှိနေခြင်း အတွက်ကြောင့်) မြန်မာနိုင်ငံ လူသုံးကုန်ထုတ်လုပ်ရေးနှင့် ကုန်ပစ္စည်း ထုတ်လုပ်မှုလုပ်ငန်း ဖွံ့ဖြိုးတိုးတက်လာစေရန် ကျန်သည့် ကျားနိုင်ငံများကို အတုယူ လုပ်ဆောင်နိုင်ရန် ခက်ခဲစေပါလိမ့်မည်။ မြန်မာနိုင်ငံက နိုင်ငံခြား ရင်းနှီးမြှုပ်နှံမှုများ လိုအပ်လျှက် ရှိသည် ဤအချက်မှာ ခက်ခဲရှုပ်ထွေးလှသည်။ မြန်မာနိုင်ငံရှိ နိုင်ငံခြား ရင်းနှီးမြှုပ်နှံမှုများမှာ မလိုအပ်သော နေရာများသို့သာ အများဆုံး ၀င်ရောက်လာကြလိမ့်မည်။ လိုအပ်မှု အနည်းဆုံး ကဏ္ဍများ၌ အများဆုံး ရောက်လာနေကြခြင်းဖြစ်ပြီး ပြောရလျှင် သဘာဝ သယံဇာတများ ထုတ်လုပ်ကြရန် လာရောက် ရင်းနှီးမြှုပ်နှံနေခြင်းပင် ဖြစ်သည်။ ဤသို့သော ရင်းနှီးမြှုပ်နှံမှုများသည် တိုက်ရိုက် ရင်းနှီးမြှုပ်နှံမှု အနည်းငယ်မျှကိုသာ ဖြစ်စေပါသည်။ သာမန်ပြည်သူများအတွက် အလုပ်အကိုင် အများအပြားကို ဖန်တီးပေးလိမ့်မည် မဟုတ်ပါ။ အဓိကအကျိုးရှိစေမည့်သူမှာ အစိုးရဖြစ်ပြီး အစိုးရအတွက် ၀င်ငွေများ ရရှိလာစေမည်။ သို့သော်လည်း အခြားနိုင်ငံ အစိုးရများကဲ့သို့ပင် မြန်မာနိုင်ငံရှိ အစိုးရကလည်း သဘာဝ သယံဇာတများမှ ရလာမည့် ၀င်ငွေကို တိုင်းပြည် ကုန်ထုတ်လုပ်ရေး တိုးတက်ကောင်းမွန်စေသည့် အရင်းမြစ်များကို ထုတ်လုပ်မှုဖြစ်စေသည့် ရင်းနှီးမြှုပ်နှံမှု အဖြစ်သို့ ပြန်လည် ပြောင်းလဲနိုင်စွမ်း မရှိကြပါ။ ဤအခြေအနေအစား နေပြည်တော်ရှိ လူအများစု လက်ခံထားကြသည့် သဘောထားမှာ “နိုင်ငံခြား ရင်းနှီးမြှုပ်နှံမှုတွေ ၀င်လာရင် စီးပွားရေးအလိုလို တိုးတက်လာမည်” ဟူ၍ ဖြစ်သည်။ ဤအရင်းအနှီးများ အပေါ်တွင် လူများစုက လက်ခံထားကြသည့် သဘောထားမှာ “နိုင်ငံခြားရင်းနှီးမြှုပ်နှံမှုနှင့် တိုးတက်ဖွံ့ဖြိုးမှုကို တန်းတူထား” မြင်နေကြသည်။ ဤအချက်မှာ မမှန်ကန်ပါ။ မတူကွဲပြားသည့် နိုင်ငံခြား ရင်းနှီးမြှုပ်နှံမှုများသည် စီးပွားရေးစနစ်အပေါ် မတူကွဲပြားသည့် အကျိုးသက်ရောက်မှုကို ဖြစ်ပေါ်စေသည်။ နည်းပညာနှင့် လုပ်နည်းကိုင်နည်းများ ဆောင်ကျဉ်းလာသည့်၊ လွှဲပြောင်းပေးလာမှုရှိသည့် နိုင်ငံခြား ရင်းနှီးမြှုပ်နှံမှုများသည် အကျိုးဖြစ်ထွန်းစေသော်လည်း သဘာဝ သယံဇာတများ အတွက် လာရောက်ကြသည့် နိုင်ငံခြား ရင်းနှီးမြုပ်နှံမှုများသည် အန္တရာယ်ရှိစေသည်။ အကြောင်းမှာ ပြန်လည် ဖြည့်ဆည်းနိုင်စွမ်း မရှိသည့် ပိုင်ဆိုင်မှုများကို ရောင်းစားခြင်းမှ ရလာသည့် ၀င်ငွေ ဖြစ်သောကြောင့်ပင်။ အစိုးရက ရရှိလာသည့် ငွေကြေးများကို ကုန်ထုတ်လုပ်မှု တိုးတက်စေသည့် အပေါ်တွင် ထုတ်လုပ်နိုင်စွမ်း ဖြစ်စေမည့် ကဏ္ဍများတွင် ပြန်လည် ရင်းနှီးမြှုပ်နှံနိုင်စွမ်း မရှိသေးသည့် ကာလတွင် ဤသို့သော ပိုင်ဆိုင်မှု သယံဇာတများကို မည်သည့် အတွက်ကြောင့် အလျင်စလို ရောင်းချလိုကြရပါသနည်း။ မြန်မာနိုင်ငံသည် မကြာသေးမီက သယံဇာတ ထုတ်လုပ်ရေး လုပ်ငန်းများတွင် ပွင့်လင်းမြင်သာမှု ရှိစေရေး ကြိုးပမ်းမှု Extractive Industries Transparency Initiative (EITI) အဖွဲ့ကြီးက ချမှတ်သော လမ်းညွန် သတ်မှတ်ချက်များကို သဘောတူလိုက်နာရန် ပြင်ဆင်လုပ်ကိုင်ခဲ့သည်။ ထိုသို့ သဘောတူ လိုက်နာမည်ဆိုလျှင် အကျင့်ပျက် ခြစားမှုကို တိုက်ဖျက်ရန် အထောက်အကူ ဖြစ်စေပြီး သဘာဝရင်းမြစ်များမှ ရရှိလာသည့် ထိုဝင်ငွေများကိုလည်း ပြည်သူအများ သိရှိအောင် စာရင်းဇယားများ ထားရှိလာစေမည် ဖြစ်သည်။ သို့သော်လည်း ဤသို့ ပွင့်လင်းမြင်သာမှုနှင့် နိုင်ငံတော် ရင်းနှီးမြှုပ်နှံမှု ရန်ပုံငွေတို့ရှိလျှင် တိုင်းပြည်၏ စီးပွားရေးဟန်ချက် မညီလည်း အလုပ်ဖြစ်နိုင်သည်ဟု ပုံသေကားကျ ပြောမရပါ။ သို့သော်လည်း ဤသို့ ပွင့်လင်းမြင်သာမှုနှင့် နိုင်ငံဓနဥစ္စာ ကြွယ်ဝမှု ရန်ပုံငွေ (Sovereign wealth fund) တို့မှာ နိုင်ငံတခု၏ မျှတညီညွတ်သည့် စီးပွားရေးစနစ်အတွက် အစားထိုးနိုင်မည့် နည်းလမ်းများ မဟုတ်ကြပါ။ ဤသို့ သဘာဝ သယံဇာတ ထုတ်လုပ်မှုကဏ္ဍတွင် နိုင်ငံခြားရင်းနှီး မြှုပ်နှံမှုများ အလျင်စလို အလုံးအရင်း မရောက်ရှိလာသေးသည့်တိုင် ပို၍ ကောင်းမွန်သည့် အခြေအနေတရပ် ဖန်တီးနိုင်ပါသေးသည်။ မြန်မာနိုင်ငံ၏ ပြဿနာမှာ အရင်းအနှီး မရှိခြင်းပင် ဖြစ်သည် ဟုတ်ပါသည်။ သို့သော် အခြေခံ ပြဿနာမှာ အရင်းအနှီးမရှိ၊ ချို့တဲ့နေမှု မဟုတ်ပေ။ သို့သော် ရှိသည့် အရင်းအနှီးကို ကုန်ထုတ်လုပ်မှု လုပ်ငန်းများ တိုးတက်ကောင်းမွန်စေရန် ထိထိရောက်ရောက် အသုံးမချနိုင်သည့် စီးပွားရေးစနစ်သာ အဓိက ပြဿနာ ဖြစ်နေသည်။ ပြီးခဲ့သည့် နှစ်များအတွင်း ရန်ကုန်နှင့် မန္တလေးမြို့များတွင် အိမ်မြေဈေးများ အဆမတန် တက်နေခြင်းမှာ မြန်မာနိုင်ငံ၏ လူကုံထံ လူနည်းစုတွင် သိသာထင်ရှားသည့် ငွေကြေးရင်းမြစ်များ မတန်တဆ ရှိနေကြောင်း ပြသနေခြင်းပင် ဖြစ်သည်။ မြို့လယ်ခေါင်ရှိ မြေ ၁ ဧက ဈေးနှုန်းမှာ ဒေါ်လာ ၁ သန်းကျော် ရှိနေရာ ထိုင်းနိုင်ငံ ဘန်ကောက်မြို့ မြေဈေးထက်ပင် များပြားနေပါသည်။ ဤသို့ ဈေးနှုန်းမြင့်နေစေသည့် အခြား အကြောင်းအချက်များလည်း ရှိနေပါသေးသည်။ အဓိက အကြောင်းအချက်တခုမှာ တခြား ရင်းနှီးမြှုပ်နှံမှုပြုစရာ နေရာမရှိခြင်းပင် ဖြစ်ပါသည်။ ဘဏ်များအပေါ် ယုံကြည်မှု မရှိကြဘဲ ငွေကြေးများကို နိုင်ငံရပ်ခြားသို့ ရွှေ့ပြောင်းရန်လည်း ခက်ခဲလှသည်။ သို့အတွက်ကြောင့် လူအများက သူတို့ ပိုင်ဆိုင်မှုများကို မရွှေ့ပြောင်းနိုင်သည့် အိမ်ခြံမြေ၊ ရွှေနှင့် ကျောက်မျက်များဖြင့် စုဆောင်း သိုမှီးထားကြခြင်း ဖြစ်ပါသည်။ တချိန်တည်းမှာပင် နိုင်ငံ၏ ကျေးလက်ဒေသများ၌ ချေးငွေရရှိရန် ခက်ခဲနေကြပြန်သည်။ အပေါင်ထားစရာ ပစ္စည်း မရှိသူများက တရားမ၀င် ငွေချေးသည့် နေရာများမှ ချေးငွေရယူရန် ကြိုးပမ်းနေကြရပြီး တလလျှင် ၁၀ ရာခိုင်နှုန်းမျှ အတိုးပေးနေကြရပါသည်။ နိုင်ငံပိုင် စိုက်ပျိုးရေးဘဏ်ကလည်း လယ်သမားများကို စိုက်ပျိုးရေးစားရိတ် လိုအပ်ချက်၏ သုံးပုံတပုံမျှကိုသာ ထုတ်ချေးပေးနိုင်သည်။ ပုဂ္ဂလိက ဘဏ်များအနေဖြင့် လယ်သမားများကို ငွေမထုတ်ချေးရန် တားမြစ်ထားသည်။ ဤသည်မှာ ယခင် ဆိုရှယ်လစ် အစိုးရ လက်ထက်မှနေ၍ အမွေဆက်ခံ ကြွင်းကျန်နေရစ်သည့် မလိုအပ်တော့သော ဥပဒေတခုလည်း ဖြစ်သည်။ ဤစနစ်ကြောင့် ဖြစ်ပေါ်လာသည့် ရလဒ်မှာ အရင်းအနှီးများသည် ကျေးလက်ဒေသသို့ မရောက်ရှိတော့ခြင်း ဖြစ်သည်။ ပိုက်ဆံငွေကြေးများ ပိုရလာခြင်းကြောင့်လည်း ဤပြဿနာကို ဖြေရှင်းနိုင်ဖွယ် မမြင်ပါ။ မြန်မာ့စီးပွာရေး ပြဿနာများ၏ လက်သည်တရားခံမှာ အရေးယူ ပိတ်ဆိုမှုများ ဖြစ်သည် သေချာ လေ့လာကြည့်မည်ဆိုပါက မဟုတ်ပါ။ ဒဏ်ခတ် အရေးယူမှုကြောင့် မြန်မာနိုင်ငံ၏ စီးပွားရေးကို ထိခိုက်သည်။ သို့သော်လည်း ပုဂ္ဂလိကဏ္ဍအတွက် ကြုံတွေ့နေရသည့် အကြီးမားဆုံး ပြဿနာ မဟုတ်ပါ။ ရန်ကုန်နှင့် မန္တလေးရှိ စီးပွားရေး လုပ်ငန်းရှင်များနှင့် ပြောဆိုကြည့်ရာ ပြီးခဲ့သည့်နှစ်များအတွင်း သူတို့ရင်ဆိုင် ကြုံတွေ့နေရသည့် အကြီးမားဆုံး ပြဿနာမှာ လျှပ်စစ် ထောက်ပံ့ပေးမှု ပြဿနာ၊ နိုင်ငံရေး မတည်ငြိမ်မှု၊ အကျင့်ပျက် ခြစားမှုများပင် ဖြစ်ပြီး ဤအကြောင်းအချက်များ အားလုံးမှာ အစိုးရ၏ ထိန်းချုပ်နိုင်မှုအတွင်း ရှိပါသည်။ ဒဏ်ခတ်ပိတ်ဆို့ အရေးယူမှုမှာ နောက်ထပ် အကြီးမားဆုံး အခက်အခဲ ဖြစ်ပါသည်။ အကြောင်းမှာ အမေရိကန်ပြည်ထောင်စု ငွေကြေးဝန်ဆောင်မှုများ ပိတ်ပင်ထားမှု (U.S. Financial services ban) ကြောင့် အပိုကုန်ကျစားရိတ်များ ဖြစ်ပေါ်စေပြီး အမေရိကန်သို့ ပြည်ပပို့ကုန် ဈေးကွက် ပျောက်ဆုံးသွားစေသည်။ အခြားသော ပြဿနာများတွင် ညံ့ဖျင်းသည့် အခြေခံအဆောက်အဦ၊ အစိုးရ၏ တဖက်သတ် ဆုံးဖြတ်ချက်များ ချမှတ်ခြင်း၊ အတင်းအကျပ်သဘော စိတ်ထင်လျှင် ထင်သလို ဆုံး ဖြတ်ချက်များ ချမှတ်ခြင်း၊ သမာသမတ်ကျ ဘက်လိုက်မှုကင်းသည့် မျှတဘက်လိုက်မှုကင်းသည့် တရားစီရင်ရေးစနစ် ရှိမနေခြင်း၊ စသည်တို့ကြောင့် မြန်မာနိုင်ငံတွင် ကုန်ကျစားရိတ် မြင့်မားလာစေပါသည်။ ကုမ္ပဏီကြီး အများစုအဖို့ကား ဒဏ် ခတ်ပိတ်ဆို့မှု ဆိုသည်မှာ သူတို့စီးပွားရေး လုပ်ကိုင်ရာတွင် ကြုံတွေ့ရသည့် အငယ်စား အခက်အခဲ တခုသာ ဖြစ်ပါသည်။ ဒဏ်ခတ်ပိတ်ဆို့ အရေးယူမှုကို မူလက မြန်မာနိုင်ငံ၏ လူ့အခွင့်အရေး အခြေအနေအပေါ် တုံ့ပြန်ဆောင်ရွက်မှုအဖြစ်သာ ရှုမြင်ထားခဲ့ကြပါသည်။ သို့သော်လည်း ၎င်းတို့သည် ယခုအခါတွင် မထိရောက် အသုံးမ၀င်တော့ပါ။ သို့သော်လည်း ၎င်းအသုံးဝင်သည့် အခန်းကဏ္ဍကို ဖော်ပြလာကြပါသည်။ ဒဏ်ခတ်အရေးယူမှုက ပစ်မှတ်ထားနေသည့် အကြီးမားဆုံးနှင့် ဆက်သွယ်မှု အကောင်းဆုံး ကုမ္ပဏီကြီးများမှာ ဤအရေးယူမှုကို ကျော်လွှားလုပ်ဆောင်နိုင်ရန် ငွေကြေးအရင်းအနှီးနှင့် နိုင်ငံတကာ အဆက်အသွယ်များ ရှိနေကြပါသည်။ ဤသို့ အရင်းမြစ်များ မရှိကြသည့် အငယ်စားနှင့် အလတ်စား ကုန်ထုတ်လုပ်မှု လုပ်ငန်းများ (SMEs) မှာ ဒဏ်ခတ်ပိတ်ဆို့မှု၏ နောက်ဆက်တွဲကို ခံကြရပြီး ၎င်းတို့မှာ မြန်မာနိုင်ငံ ဖွံ့ဖြိုးတိုးတက်မှုအတွက် မရှိမဖြစ် အရေးပါသည့် လုပ်ငန်းများ ဖြစ်ကြပါသည်။ ဒဏ်ခတ်အရေးယူမှုသည် မြန်မာနိုင်ငံ စီးပွားရေးအတွက် အဓိကပြဿနာ မဟုတ်ပါ။ သို့သော်လည်း ဒဏ်ခတ်ပိတ်ဆို့မှုကို ဆက်လက် ထိန်းသိမ်းထားခြင်းအားဖြင့် လူ့အခွင့်အရေးအတွက် စိုးရိမ်ပူပန်မှုများကို ဖြေရှင်းကြရန် အထောက်အကူ ဖြစ်စေမည် မဟုတ်သကဲ့သို့ ပြုပြင်ပြောင်းလဲမှုများနှင့် ဖွံ့ဖြိုးတိုးတက်ရေးအတွက် အဟန့်အတား ဖြစ်ရန်ပင် ရှိပါသည်။ (ဆက်လက် ဖော်ပြပါမည်) (Foreign Policy မဂ္ဂဇင်းတွင် ဖော်ပြထားသော ဂျာရက် ဘစ်ဆင်ဂျာ (Jared Bissinger) ၏ Think Again: Burma’s Economy ကို ဘာသာပြန်ဆို ဖော်ပြပါသည်။ ဂျာရက် ဘစ်ဆင်ဂျာသည် သြစတြေးလျနိုင်ငံ ဆစ်ဒနီမြို့ရှိ မက်ကွာရီ တက္ကသိုလ် (Macquarie University) တွင် ပါရဂူဘွဲ့အတွက် ကြိုးပမ်းနေသည့် ကျောင်းသားတဦး ဖြစ်ပါသည်။ ဂျာရက် ဘစ်ဆင်ဂျာသည် ယခင်က အမျိုးသား အာရှသုတေသနဆိုင်ရာ ဗျူရိုမှ ပညာရှင်တဦးလည်း ဖြစ်သည်။)

ကျောက်ကပ်မကောင်းသူများ ကော်ဖီ မသောက်သင့်

ကျောက်ကပ်မကောင်းသူများ ကော်ဖီ မသောက်သင့် ကျောက်ကပ်နဲ့ ဆက်စပ်ရောဂါရှိသူများ၊ ရှိရန် အလားအလာ များသူများ အနေနဲ့ ကော်ဖီ မသောက်သုံးသင့် ဘူးလို့ ဆေးပညာရှင်နဲ့ ကျောက်ကပ် အထူး ကု ဆရာဝန်များက တိုက်တွန်း သတိပေးပါတယ်။ ကော်ဖီဆိုတာ ထက် ကဖင်းဓာတ်ကို ဆိုလိုခြင်း ဖြစ်တဲ့ အတွက် ချောကလပ် နဲ့ လက်ဘက်ရည်တို့လည်း ပါဝင်ပါတယ်။ Read more »

အမျိုးသမီးများနှင့်အသားအရည်ပျက်ဆီးမှုကိုဖြစ်စေသောတရားခံများ

တိုးတက်လာတဲ့ ၂၁ ရာစုခေတ်ကြီးထဲမှာ နည်းပညာတွေအမျိုးမျိုးအံ့မခန်းတိုးတက်လာတာနဲ့အမျှ လူတွေဟာ ရုပ်ပိုင်းဆိုင်ရာ စိတ်ပိုင်းဆိုင်ရာတွေ တိုးတက်လာအောင် ပြောင်းလဲလုပ်ဆောင်လာကြတယ် ။ အဲဒီလို အရာရာပြောင်းလဲလာကြတဲ့ အထဲမှာ အလှအပရေးရာဟာလည်း လူသားတွေကြားထဲမှာ အရေးကြီးတဲ့ တိုးတက်ပြောင်းလဲမှုအခန်းကဏ္ဍအနေနဲ့ပါဝင်လာပါတယ် ။ Read more »

အဆိုတော် ဆိုတေး ကျန်းမာရေးအခြေအနေ ကောင်းမွန်လျက်ရှိလာ

[အဆိုတေး ဆိုတေး ကျန်းမာရေးအခြေအနေ ကောင်းမွန်လျက်ရှိလာ] မီးအိမ်ရှင်' အဆိုတော် ဆိုတေးရဲ့ လတ်တလော အခြေ အနေမှာ ဒီနေ့ ဇူလိုင်လ ၁၆ ရက်နေ့ နံနက်ပိုင်းမှ စတင်ကာ တိုးတက်ကောင်းမွန်လာပြီး ခြေ၊ လက် လှုပ်ရှားမှုများ ရှိလာ ပြီဖြစ်ကြောင်း အနီးကပ်ပြုစု စောင့်ရှောက်နေတဲ့ ဆိုတေးရဲ့ ဦးလေး တော်စပ်သူ ဦးရဲမြင့်အောင် က မြန်မာတိုင်းမ် ကို ပြောပါတယ်။ » အပြည့်အစုံသို

အလုပ်ရှင်များ စည်းကမ်းလိုက်နာစေလို

အလုပ်ရှင်များ စည်းကမ်းလိုက်နာစေလို နန်းလွင်နှင်းပွင့် | သောကြာနေ့၊ မေလ ၀၃ ရက် ၂၀၁၃ ခုနှစ် ၀၃ နာရီ ၁၂ မိနစ် အီးမေးလ်ပို့ရန် ပရင့်ထုတ်ရန် PDF ဖိုင်ရယူရန် ရန်ကုန်(မဇ္ဈိမ)။ ။ အလုပ်သမားများနှင့် အလုပ်ရှင်များအကြား အလုပ်ရှင်များစည်းကမ်း လိုက်နာမှု ရှိစေရန် အလုပ်သမားအများစုက စစ်ကိုင်းတိုင်း ပလိပ်မြို့ရှိ အောင်သိဒ္ဒိခန်းမတွင် ကျင်းပခဲ့သည့် အပြည်ပြည်ဆိုင်ရာ အလုပ်သမားနေ့ အခမ်းအနားတွင် တောင်းဆိုခဲ့ကြကြောင်း အခမ်းအနားသို့ တက်ရောက်ခဲ့သူ အလုပ်သမား အငြင်းပွားရေး ခုံသမာဓိ ကောင်စီမှ ဦးရဲနိုင်မိုးက မဇ္ဈိမသို့ ပြောသည်။ ၎င်းက “အခု ကျွန်တော်တို့ရဲ့ လက်ရှိ အလုပ်သမားကောင်စီရဲ့ ဆောင်ရွက်ချက်တွေအရ အလုပ်သမားနဲ့ အလုပ်ရှင်ကြားမှာ အငြင်းပွားမှု ကိစ္စတွေ ဖြစ်လို့ အလုပ်ရှင်က တခုခု မလိုက်နာဘူး ဆိုရင် ဘယ်လိုအရေးယူရ မယ်ဆိုတာ ဒီမှာ ပြဌာန်းထားတာ မရှိဘူး။ ဆုံးဖြတ်ချက်တွေ ချရုံက လွဲပြီး မလိုက်နာရင် အရေးယူမရဘူး” ဟုဆိုသည်။ အပြည်ပြည်ဆိုင်ရာ အလုပ်သမားနေ့တွင် အလုပ်သမားများ ခုံသမာဓိကောင်စီ၊ အလုပ်သမားကွန်ယက်၊ သင်္ဘောသား သမဂ္ဂများ အပါအ၀င် အခြားသော အလုပ်သမား အဖွဲ့အစည်းများနှင့် အနယ်နယ် အရပ်ရပ်တို့မှ အလုပ်သမားတို့ကို ကိုယ်စားပြုသော အလုပ်သမား ၂၀၀ကျော်တို့ စုစည်းကာ အထက်မြန်မာပြည် အလုပ်သမားများ စုစည်းရေးအဖြစ် စစ်ကိုင်းတိုင်း ပလိပ်မြို့ရှိ အောင်သိဒ္ဒိခန်းမတွင် ကျင်းပခဲ့သည်။ ရန်ကုန်နှင့် မန္တလေးမြို့တို့ရှိ NGO များလည်း ပါဝင်တက်ရောက်ကြသည်။ အလုပ်သမားနေ့ အခမ်းအနားအဖြစ် ရန်ကုန်မြို့ရှိ သီရီမင်္ဂလာဈေးအနီး နန်းထိုက်တော်ဝင်တွင် အလုပ်သမား ၂၀၀၀ ခန့်၊ မင်းဓမ္မလမ်းရှိ MCC ခန်းမတွင် အလုပ်သမားရေး ၀န်ကြီးဌာနမှ ပြည်ထောင်စုဝန်ကြီး ဦးမောင်မြင့် ၊ ILO မှ ဒုညွှန်ကြားရေးမှူး Mr.Gregory Vines ၊ အနယ်နယ် အရပ်ရပ်မှ အလုပ်သမားကိုယ်စားလှယ်များ၊ အလုပ်ရှင်ကိုယ်စားလှယ်များတတ်ရောက်ကာ စာတမ်းများဖတ်ခြင်း ၊ ဆွေးနွေးခြင်းများ ပြုလုပ်ခဲ့သည်။ စုစည်းဆွေးနွေးကြရာတွင် အများစုထံမှ အငြင်းပွားမှု အပေါ် အလုပ်ရှင်တို့မှ မလိုက်နာမှုကို ပိုဆွေးနွေး ဖြစ်ခဲ့ သည်ဟု အလုပ်သမား ကွန်ယက်မှ မအိရွှေစင်ညွှန့်က ဆိုသည်။ ၎င်းက “ ဒီနှစ်ကတော့ အနယ်နယ် အရပ်ရပ်က အလုပ်သမားတွေ ကိုယ်တိုင်က ဦးဆောင် လုပ်ကြ တာပါ။ ကျွန်မတို့ အဖွဲ့အစည်းတွေက လာရောက်တက်ပြီး ဆွေးနွေးပေးတဲ့ သဘောပါပဲ ” ဟုရှင်းပြသည်။ အလုပ်သမားနှင့် အလုပ်ရှင်တို့ အငြင်းပွားမှုများတွင် အလုပ်ရှင်တို့ လိုက်နာမှု မရှိသည့်အပေါ် ဥပဒေပြင်ဆင်ရန် ခုံသမာဓိကောင်စီမှ ၀န်ကြီးဌာနများနှင့်ဆွေးနွေးမှုများ ပြုလုပ်ခြင်းကြောင့် အလုပ်သမားဆိုင်ရာဝန်ကြီးဌာနမှ ညွှန်ကြားချက်များ ရရှိထားသည်ဟု ဦးရဲနိုင်မိုး ကဆိုသည်။ ညွှန်ကြားချက်များအရ အလုပ်ရှင်ဖြစ်စေ၊အလုပ်သမား ဖြစ်စေ စည်းကမ်းချက်များကို မလိုက်နာလျှင် အလုပ်ရှင်နှင့် အလုပ်သမား ဥပဒေ စိစစ်ရေး ဌာနက တရားစွဲမည်ဖြစ်ပြီး ထပ်မံမလိုက်နာလျှင် ထောင်ဒဏ်၊ငွေဒဏ်များ ချမှတ်သွားမည် ဖြစ်သည်။ ဆက်လက်၍ ဦးရဲနိုင်မိုးက " နိုင်ငံတကာမှာ ဒီနေ့ကို အောင်မြင်ခဲ့တဲ့ အခမ်းအနား တစ်ခု အနေနဲ့ လုပ်ကြတာ၊ ကျွန်တော်တို့ မြန်မာနိုင်ငံမှာကတော့ အလုပ်ချိန်လျော့ပေါ့ရေး၊ လုပ်ခလစာတိုးမြှင့်ရေး၊နှင့် အလုပ်သမားသမဂ္ဂများ လွတ်လပ်စွာ ဖွဲ့စည်းရေးတွေမှာ အခက်အခဲတွေ ရှိနေသေးတယ်၊ အဲ့ဒါကြောင့် ကျွန်တော်တို့ လုပ်တာက အခမ်းအနားလို့ မဟုတ်ဘဲ ဖြစ်လာဖို့အတွက် လှုံ့ဆော်တာလိုမျိုးဖြစ်နေတယ် ” ဟု မှတ်ချက်ပြုသည်။ အပြည်ပြည်ဆိုင်ရာ အလုပ်သမားနေ့ (၀ါ) မေဒေး သည် ၁၈၉၄ ခုနှစ်တွင် အမေရိကန်နိုင်ငံ ၊ချီကာဂို မြို့ရှိ အလုပ်သမားများ က အလုပ်ချိန်လျော့ပေါ့ရေး၊လုပ်ခလစာတိုးမြှင့်ရေး အရေးတော်ပုံ၊ အဓိကရုဏ်းများ ဖြစ်ပွားခဲ့သည့် နောက်ပိုင်းတွင် စတင်ပေါ်ပေါက်လာခဲ့ခြင်း ဖြစ်သည်။ ကမ္ဘာပေါ်ရှိ နိုင်ငံပေါင်း ၈၀ နှင့် အထက်တို့က တစ်မျိုးသားလုံးဆိုင်ရာ အားလပ်ရက်ဟု အလုပ်သမားနေ့ကို သတ်မှတ်ကြသည်။

Right Click ရဲ့ နောက်ခံ Background မှာ စိတ်ကြိုက်ပုံထည့်မယ်

ကွန်ပျူတာရဲ့ Desktop ပေါ်မှာ Right Click နှိပ်လိုက်ရင် နောက်ခံက အဖြူထည်သက်သက်ကြီးမဟုတ်ဘဲ
နဲ့ ကိုယ့်စိတ်ကြိုက်ပုံလေးတွေ ထည့်လို့ရမယ့် ဆော့ဝဲလေး ဖြစ်ပါတယ်။ Desktop ပေါ်မှာမဟုတ်ဘဲ Folder ထဲမှာလည်း Right Click နှိပ်ရင် ပုံပေါ်တယ်နော်။ အောက်က ပုံလေးကို လေ့လာကြည့်ပါ။
ဒေါင်းရန် .. ဒီမှာ ဆိုတာ ကို နှိပ်ပြီး ၀င်ရောက် ဒေါင်းယူနိူင်ပါသည် ။

ဆော့ဝဲကို ဖွင့်လိုက်ပြီးရင် Install DLL ကို နှိပ်ပြီး Install ရပါမယ်။ ဒါမှသာ အလုပ်လုပ်မှာပါ။

ပြီးရင်တော့ Browse Image မှာ စိတ်ကြိုက်ပုံရွေးထည့်ပေါ့...။ ပုံရဲ့ ဆိုဒ်က ကြီးနေရင် ချိန်ညှိပေးဦးနော်။

အဆင်ပြေပါစေဗျာ။ အားပေးကြသူအပေါင်းကို ကျေးဇူးတင်ပါတယ်။ 

သီချင်းတွေကို ပြုပြင်မယ် (SPT phrase trainer)

MP3 သီချင်းတွေကို Tempo တွေ နှေးမယ်၊ မြန်မယ် အစရှိသဖြင့် ပြုပြင်ပြောင်းလဲနိုင်တဲ့ ဆော့ဝဲလေး တစ်ခု ဖြစ်ပါတယ်။ အသေးစိတ်တော့ မပြောပြတော့ပါဘူး၊ ဒေါင်းယူပြီး လေ့လာကြည့်လိုက်ပါ။

 

 

ဒေါင်းရန် .. ဒီမှာ ဆိုတာ ကို နှိပ်ပြီး ဒေါင်းယူနိူင်ပါ သည် ... အဆင်ပြေမယ် လို့ မျှော်လင့် ပါတယ်..

နှင်းဆီပွင့်ပေါ် အိပ်ပျော်နိုင်စွမ်း မရှိသေးပါ

ကျနော်သည် ဆရာကြီးတင်မိုး၏ ကဗျာများထဲက ကဗျာရှည်တပုဒ်ကို အထူးတလည် စွဲလမ်း နှစ်သက်နေခဲ့ဖူးပါသည်။ ယင်းကဗျာ ရှည်ကို လုံးချင်းကဗျာ စာအုပ်အဖြစ် ထွက်ရှိနိုင်လျှင် မည်မျှကောင်းမည် နည်းဟု တွေးခဲ့ဖူး၏။ ကျနော့်စိတ်ထဲ ယင်းကဗျာရှည်ကို လုံးချင်း စာအုပ်အဖြစ် ဖတ်ရှုလိုက်ချင်သည့်ဆန္ဒ ပြင်းပြခဲ့၏။

၁၉၉၇ ခုနှစ်ထဲတွင် ကံအားလျော်စွာ ဆရာတင်မိုး၏ ကဗျာပေါင်းချုပ် စာအုပ်တအုပ်ကို စီစဉ်ထုတ်ဝေခွင့် ကျနော် ရခဲ့သည်။ ဆရာ တင်မိုး ကဗျာပေါင်းချုပ်(၁၉၉၉)ကို စီစဉ်ဆောင်ရွက်ပေးရန် ညှိနှိုင်းစဉ်အချိန်က ကျနော်က နှစ်ပေါင်းများစွာ ကျနော် နှစ်သက်စွဲလမ်း နေခဲ့သည့် ယင်းကဗျာရှည်ကိုပင် လုံးချင်းထုတ်ရလျှင် မကောင်းဘူးလားဟု ထုတ်ဝေသူကို တိုက်တွန်းခဲ့၏။ ထုတ်ဝေသူက လက်မခံသည့်အတွက် ကျနော့်ဆန္ဒမှာ မပြည့်နိုင်ခဲ့ပါ။ ထို့ကြောင့် “တင်မိုး ကဗျာပေါင်းချုပ်(၁၉၉၉)”အဖြစ်နှင့်သာ ကျနော့်မှာ စီစဉ် ဆောင်ရွက် ပေးခဲ့ရ၏။

တချိန်ကမူ ဆရာတင်မိုးကို အဓိက ဂုဏ်ပြုထုတ်ဝေမည့် မဂ္ဂဇင်းတစောင်၏ တာဝန်ရှိသူများက ကျနော့်ကို ဆရာတင်မိုး၏ ကဗျာ များထဲက သင့်လျော်မည့် ကဗျာများကို ရွေးပေးရန် အကူအညီတောင်းသည်ကို ကြုံရပြန်သည်။ ထိုစဉ်က ကျနော်က ဆရာတင်မိုး ၏ အခြားကဗျာများထက် နှစ်ပေါင်းများစွာကတည်းက ကျနော် နှစ်သက်နေခဲ့သည့် ကဗျာကိုပဲ ဦးစားပေးရွေးချယ်ပေးလိုက်သည်။ မဂ္ဂဇင်းထွက်လာသောအခါ ကျနော်အကြံပေးလိုက်သည့် ကဗျာကိုမူ ဖော်ပြထားခြင်းမရှိပါ။ ထို့ကြောင့် ကျနော့်မှာ စိတ်ထိခိုက်ခဲ့ရ ၏။

သို့သော် ကျနော် နှစ်သက်စွဲလမ်းနေခဲ့သည့် ကဗျာမှာ ပုံနှိပ်ထုတ်ဝေပြီးဖြစ်သည်ကို ကျနော် သိပါသည်။ ယင်း ကဗျာတပုဒ်တည်း လုံးချင်း ထုတ်ဝေခြင်းတော့ မဟုတ်ပါ။ ကျနော် နှစ်သက်စွဲလမ်းနေသည့် ကဗျာနှင့်အတူ ဆရာ၏ အခြားကဗျာများ ပူးတွဲထုတ်ဝေ သည့် ကဗျာပေါင်းချုပ်စာအုပ် ဖြစ်သည်။ ကျနော့်ဆန္ဒက ကျနော် နှစ်သက်စွဲလမ်းနေသည့်ကဗျာကို အခြားကဗျာများနှင့်တွဲ၍ မဖတ် ချင်ပါ။ ထိုကဗျာတပုဒ်တည်း သီသန့်လုံးချင်းထုတ်ဝေသည့် စာအုပ်တအုပ်အနေနှင့်သာ ဖတ်ချင်သည့်ဆန္ဒ ပြင်းပြခဲ့ခြင်းဖြစ် သည်။ စိတ်ထဲတွင် အနည်းငယ်ဖြေလို့ရသည့်သဘောတော့ ရှိပါသည်။ ကျနော် စွဲလမ်းလွန်းနေသည့်ကဗျာ ပါရှိသည့် ကဗျာစာအုပ် ၏ အမည်ကိုမူ “နှင်းဆီပွင့်ပေါ် အိပ်ပျော်ခြင်း”ဟု ပေးခဲ့သည့်အတွက် ကျနော့်မှာ အနည်းငယ်စိတ်ဖြေ၍ ရနိုင်ခဲ့ပါသည်။ ကျနော် နှစ်သက်စွဲလမ်းနေခဲ့ရသည့်ကဗျာမှာ “နှင်းဆီပွင့်ပေါ် အိပ်ပျော်ခြင်း” ကဗျာပဲ ဖြစ်သည်။

“နှင်းဆီပွင့်ပေါ် အိပ်ပျော်ခြင်း” ကဗျာစာအုပ်မှာ ဆရာကြီးတင်မိုး၏ စုပေါင်းကဗျာစာအုပ်ဖြစ်သည်။ ကဗျာပုဒ်ရေ (၆၈)ပုဒ် ပါရှိသည်။ ဆရာတင်မိုးက အမှာစာကို သူကိုယ်တိုင်ပင် ရေးသည်။ ယင်း အမှာစာကို စကားပြေနှင့်မရေးဘဲ ကဗျာတပုဒ်ဖွဲ့ပြီး ရေး သည်ကို ထူးခြားဆန်းသစ်စွာ တွေ့ရသည်။

မြန်မာစာပေနယ်တွင် အမှာစာ သို့ မဟုတ် အယ်ဒီတာ့အာဘော် ကို စကားပြေနှင့်မရေးဘဲ ကဗျာဖြင့်ဖော်ပြရေးသားသည်မှာ တွေ့ရခဲလှသည်။ ကျနော်ငယ်စဉ် အိုးဝေမဂ္ဂဇင်းတွင် အယ်ဒီတာ ကိုအောင်ဆန်းက အယ်ဒီတာ့အာဘော်ကို ကဗျာတပုဒ်နှင့် ဖော်ပြခဲ့ ဖူးသည် ဆိုသည့်စကားကြောင့် ကျနော့်မှာ အိုးဝေမဂ္ဂဇင်းဟောင်းများကို အပြေးအလွှားလိုက်လံရှာဖွေဖတ်ရှုခဲ့ရဖူး၏။ ယခုလည်း ဆရာတင်မိုးက သူ၏ နှင်းဆီပွင့်ပေါ် အိပ်ပျော်ခြင်း ကဗျာစာအုပ်တွင် အမှာစာကို စကားပြေနှင့်မရေးဘဲ ကဗျာတပုဒ်ဖြင့် ဖော်ပြ သည့်အတွက် ကျနော့်မှာ စာအုပ်ကို လှန်လိုက်ကတည်းက စိတ်လှုပ်ရှား ရင်ခုန်ခဲ့ရ၏။

* * * * *

ညရိပ်ခို၍
နုပျို ဆန်းတင့်၊ နှင်းဆီ ပွင့်မည်။

နှင်းနှင့် ဆွတ်လိမ်း၊ ည ပိန်းပိန်းမှာ
အစိမ်း ရောင်ကြား၊ ဖွံ့ထွားထွားနှင့်
ကားကား စွင့်စွင့်၊ ပွင့်လိမ့် နှင်းဆီ
ရဲရဲနီ။

ဒါကတော့ “နှင်းဆီပွင့်ပေါ် အိပ်ပျော်ခြင်း” ကဗျာစာအုပ်ရဲ့ အဖွင့်ကဗျာဖြစ်တဲ့ “နှင်းဆီပွင့်ပေါ် အိပ်ပျော်ခြင်း” ကဗျာထဲက တပိုဒ်ဖြစ် သည်။ ဆရာက နှင်းဆီပွင့်ပေါ် အိပ်ပျော်ခြင်း ဆိုတဲ့အမည်ကို ဘယ်လိုအဓိပ္ပာယ်နှင့် ရေးခဲ့ပါလိမ့်ဟု မကြာခဏဆိုသလို ကျနော် တွေး ခဲ့ဖူးသည်။ ထိုအတွေးကို ဆရာလည်း အဖြေပေးခဲ့ဖူး၏။ “ရဲရင့်ခြင်း၊ စွန့်လွှတ်အနစ်နာခံခြင်း၊ အမှောင်ကိုအံတုခြင်း၊ အောင်မြင် ကျော်လွှားခြင်း တို့အပေါ် နှစ်ခြိုက်စွာ ပျော်ဝင်အိပ်စက်ခြင်း အစရှိသည့် အဓိပ္ပာယ်နှင့် ရေးခဲ့ခြင်းဖြစ်ပါသည်။ ထို့ထက်လည်း တခြားအဓိပ္ပာယ်တွေ ရှိပါသေးသည်။ ကိုယ့်အတွေး လက်တံရှည်ရင် ရှည်သလောက် ဆက်တွေးကြပါကုန်” ဟူ၍ ရှင်းပြခဲ့ဖူး၏။ ကျနော့်မှာ ကဗျာပိုဒ်များကို ဖတ်လိုက် တွေးလိုက်..။

ညယံ ၌ ပင်၊ ပန်ဆင် လိုက
ပန်နိုင်ကြ၏
ဘဝနှင်းဆီ ရဲရဲနီ။

နှင်းဆီပွင့်ပေါ် အိပ်ပျော်ခြင်း ကဗျာစာအုပ်ထုတ်ဝေသည့် နှစ်များဆီ ကျနော် ပြန်လျှောက်သွားခဲ့သည်။ ထိုစဉ်က နှင်းဆီနီ၊ ရဲရဲနီ၊ ဘဝနှင်းဆီ၊ ညပိန်းပိန်း၊ ညရိပ်ခို၍ ဟူသော စကားလုံးများမှာ ကျနော်တို့၏ရင်ကို တိုက်ရိုက် ထိခိုက်ရှတနိုင်ခဲ့သည့် စကားလုံးများ ဖြစ်ခဲ့ကြ၏။ကျနော်တို့ ကောင်းကောင်း ဖမ်းချုပ်ဆုပ်ကိုင် ခံစားနိုင်ခဲ့သည်။

အမှောင်ကြားတွင်
ဝိုးဝါး ပျံကူး၊ ပိုးစုန်းကြူးတို့
စူးစူး စမ်းစမ်း၊ မအိပ်တမ်းလျှင်
လမ်းသစ် ရှာကြ၊ တီထွင်ကြ။

၁၉၇၀ ခုနှစ် ဝန်းကျင်။ တပါတီ အာဏာရှင်စနစ်ကို သွေးသံတရဲရဲ အံတုဖက်ပြိုင်ကြသည့် နိုင်ငံရေးနယ်ပယ်မှ သူရဲကောင်းများ၏ သတင်းစကားများမှာ လက်ဖက်ရည်ဆိုင်များ၊ စာသင်ခန်းများ၊ လမ်းဘေးပလက်ဖောင်းများ၊ စက်ရုံများဆီ ဝေ့ဝဲ ရောက်လာ နေခဲ့ ၏။ ကျနော်တို့က ထိုသူရဲကောင်းတို့၏ ပုံပြင်များကို တရှိုက်မက်မက် နားစွင့်နေခဲ့ကြ။ သူရဲကောင်းတို့သည်ကား အမှောင်ထု အောက် မှ ပိုးစုန်းကြူးငယ်များပမာ လမ်းသစ်ရှာ ထွင်းဖောက်ကြရင်း ကျဆုံးခဲ့ကြရ၏။ ပြည်သူ့ သူရဲကောင်းတို့သည်ကား နှင်းဆီ ပွင့်ပေါ် နှစ်ခြိုက်စွာ အိပ်စက်သွားနိုင်ခဲ့ကြသည့်သဘော။ ဥပမာ ကမ္ဘာကျော် ကိုးကိုးကျွန်း အစာငတ်ခံ တိုက်ပွဲသတင်းများ။

အိုဘဲ့ဘယ်…အိုဘဲ့ မနှင်းဆီ
သင်သည် ဘယ်မှာနည်း။

အပြိုင်း အရိုင်း၊ နှင်းဆီ ကိုင်းတို့
ဝိုင်းဝိုင်း လည်မျှ၊ ဆူးချွန် ထလျက်
မြနှင်းဆီတွေ၊ သည်မှာလေ ဟု
သောင်ခြေ တလွှား၊ ကျောင်းနား တချို့
မြို့ပေါ် ရွာပေါ်၊ တောင်ပေါ် မကျန်
ဖူးတံ စီစီ၊ ဦးခေါင်း ချီလျက်
နီလျက် ရဲလျက်၊ တခဲနက် ပင်
လက်နှင့် ခြွေလည်း၊ ခြွေ၍ မနိုင်
လှိုင်၍ မဆုံး၊ ဤ တောင်ကုန်းမှာ
အားလုံး နှင်းဆီ နှင်းဆီတကား။

ဤကဗျာပိုဒ်များမှာ “နှင်းဆီပွင့်ပေါ် အိပ်ပျော်ခြင်း” ကဗျာစာအုပ်၏ အဖွင့်ကဗျာဖြစ်သည့် “နှင်းဆီပွင့်ပေါ် အိပ်ပျော်ခြင်း”ကဗျာတွင် ပါရှိသည့် ကျနော် ချစ်သော ကဗျာပိုဒ်တချို့ ဖြစ်ပါသည်။ နှင်းဆီပွင့်ပေါ် အိပ်ပျော်ခြင်း ကဗျာရှည်တွင် အပိုဒ်ခွဲ(၁၅)ပိုဒ် ၊ ပါဒ အရေ အတွက်အားဖြင့်(၃၅၁) ခု ပါရှိသည်ကို တခုတ်တရ မှတ်သားလိုက်မိ၏။

* * * * *

“နှင်းဆီပွင့်ပေါ် အိပ်ပျော်ခြင်း” ကဗျာစာအုပ်တွင် တခြား နာမည်ကြီးကဗျာများလည်း ပါရှိ၏။ ဟိုတချိန်က ဆရာတင်မိုး တက် ရောက် ဟောပြောသည့် စာဆိုတော်နေ့ အခမ်းအနားတိုင်းလိုလို ပွဲတောင်းခံရတတ်သည့်ကဗျာဖြစ်သော “ဂျော်နီတို့ခေတ်” တခန်း ရပ် ကဗျာပြဇာတ်တို ကိုလည်း ဤ စာအုပ်တွင် တွေ့ ရ၏။ ပြည်သူလူထုအကျိုးကို ဘေးချိတ်ပြီး မိမိကြီးပွား ချမ်းသာရေးကိုသာ ဦးစားပေးနေကြသည့် ဆေးပညာ လောကသားတချို့ကို လှောင်ပြောင် ဖွင့်ချထားသည့် ကဗျာဖြစ်၏။ သည်ကဗျာထဲမှ ကဗျာတပိုဒ်ကိုလည်း မြည်းစမ်းကြည့်စေချင်ပါသည်။(စာ-၁၄၀)

ဂျော်နီ။    ။ ဂျော်နီတို့တော့
အိုဟို့ ပျော်ပျော်၊ ခပ်မော်မော်ပဲ
တော်လှန်ရေးတွေ
နိုင်ငံရေးတွေ
စာရေး ပေရေး၊ ဟို အရေးတွေ
တွေးနေတယ်ဆို၊ ပိုနေတာပဲ
ဒါတွေ တော်ကွယ်၊ ငကြောင် ရယ်…။

လောကကြီးမှာ
ဖြစ်ချင်ရာ ဖြစ်
(ဖြစ်…ဘရစ်)
အချစ်လဲပါ၊ စာမေးပွဲအောင်
နောင်လဲ ချမ်းသာ၊ ခု ချမ်းသာနှင့်
တိုက်တာကြီးကြီး၊ ကား ဝီးဝီးမို့
ပိုပြီး ပြေလည်၊ ပိုပြီး ကြည်တယ်
ဂျော်နီတို့ပွဲ၊ ဇိမ်ပါပဲကွဲ့
အောင်ပွဲ တို့ကို ကြိုနေတယ်။

ရေဒီယို သီချင်းသံ။     ။“ ဟေ့….ဟေ့ တို့ခေတ်ရောက်ပြီ၊ တို့ခေတ်ရောက်ပြီ”

ဂျော်နီ မော်လီ၊ မျက်စ ချီလျက်
ပရက်တီကယ်ခန်း ဝင်သွားတယ်။
( ကားလိပ် အလိုလို ကျ)

ဆရာ တင်မိုးက စင်မြင့်ပေါ်မှ တဆင့် ဤ ကဗျာကို အသံနေအသံထားကောင်းကောင်း၊ သရုပ်ဆောင် ကောင်းကောင်းနှင့် ရွတ်ဆို ရင်း ရှင်းပြသည့်အခါ စင်အောက်က စာပေဝါသနာရှင်များမှာ လက်ခုပ်သံမစဲအောင် အားပေးခဲ့ကြ၏။ ခေတ်ကို လှောင်ပြောင် သည့် ပြောင်မြောက်လှသည့် ကဗျာတပုဒ်အဖြစ် ထင်ရှားခဲ့ပါသည်။

* * * * *

“နှင်းဆီပွင့်ပေါ် အိပ်ပျော်ခြင်း” ကဗျာစာအုပ်တွင် နိုင်ငံတကာ တော်လှန်ခေါင်းဆောင်များအပေါ် ကြည်ညိုစိတ်နှင့် ရေးဖွဲ့ သည့် ကဗျာကိုလည်း တွေ့ရသည်။ ဆရာက ဗီယက်နမ် မျိုးချစ် တော်လှန်ရေးခေါင်းဆောင် ဟိုချီမင်း ကို “ပူဇော်ခြင်း” ကဗျာတွင် ဤသို့ဖွဲ့ဆိုခဲ့၏။ (စာ-၅၈)

‘ ဟို ’ ၏ စိတ်မှန်၊ အမွေခံသော်
တော်လှန်ရေးများ၊ အောင်မည် တကားဟု
တအား တအင်၊ စိတ်မောင်း တင်လျက်
ဆင်သည် အောင်ပွဲ၊ အစဉ် နွှဲလိမ့်။

ထို့အပြင် ၁၉၆၉ ခု၊ သြဂုတ်လ ၁၆ ရက်နေ့စွဲနှင့် ရေးခဲ့သည့် ကဗျာတပုဒ်။ ကျနော်က မျက်စိမှားသလား ဆိုပြီး အသေအချာ ဖတ်မိ ပါသေးသည်။ လေးလုံးစပ်လင်္ကာ စပ်နည်းကို ချိုးဖျက်ပြီး ရေးဖွဲ့သည့် ကဗျာတပုဒ်။ ဤ ကဗျာစာအုပ်တွင် သည်ကဗျာတစ်ပုဒ်မှ လွဲပြီး ကျန်ကဗျာအားလုံးမှာ လေးလုံးစပ်ကဗျာ၊ အချိုးကဗျာများဖြစ်ကြ၏။ ထို့ကြောင့် သည်ကဗျာကိုလည်း ကျနော့်မှာ ထူးထူးခြား ခြား မှတ်သားမိပြန်သည်။ ထိုစဉ်အချိန်က မြန်မာကဗျာလောကတွင် ခေတ်ပေါ်ကဗျာ ထွက်ပြူစအချိန်။ လေးလုံးတပါဒ ကဗျာစပ်နည်းကို ဖျက်ကာ စကားလုံးအရေအတွက် ကန့်သတ်ချက်မရှိသည့် ကဗျာစပ်နည်း နည်းသစ်ကို အားယူနေသောအချိန်။ ဆရာ တင်မိုးက ထိုနည်းသစ်ကို လက်ခံကြိုဆိုရေးဖွဲ့ခဲ့သည်ကို တွေ့ရသဖြင့် ဆရာ့ ရင်ခုန်သံမှာ ခေတ်ပေါ်နရီနှင့် ကိုက်ညီအောင် ကျင့် သုံးနိုင်စွမ်း ရှိပါတကားဟု ကျနော့်မှာ မုဒိတာ ပွားရပြန်တော့သည်။ ဆရာက “မင်္ဂလာ လမ်းတဲ့ ရှင်”လို့ ခေါင်စည်းတတ်ထား သည့် ကဗျာတွင် လေးလုံးစပ်လင်္ကာသွားကို ချိုးဖျက်ကာ ခေတ်ပေါ်ကဗျာဟန်ဖြင့် ရေးဖွဲ့ခဲ့သည်ကိုလည်း တွေ့ရ၏။ (စာ-၅၄)

မြို့တော်ရဲ့ ကတ္တရာစေး လမ်းမကြီး ခမျာ
ဘတ်စ်ကား အချို့သာ အဖော် ရှိတော့တယ်။
အထီးကျန် ညဥ့်ဟာ
အပွင့်မဲ့တဲ့ သစ်ပင်အိုပါကွယ်။

* * * * *

ယခုအခါ ကဗျာဆရာကြီး တင်မိုး၏ “နှင်းဆီပွင့်ပေါ် အိပ်ပျော်ခြင်း” ကဗျာစာအုပ်ကို ကျနော် မိတ်ဆက်ဖော်ပြနိုင်ခဲ့သည်ဟု ယူဆ မိ ပါသည်။ ကျနော့်ဘက်က ကျနော်လေးစားချစ်ခင်ရသည့် ကဗျာဆရာကြီးကို ဤ စာဖြင့် ကန်တော့ခွင့် ရလိုက်ခြင်းဟုလည်း သဘောထားမိသည်။ သို့သော် ကိုယ့်ကိုယ်ကိုယ် ကျေနပ်အားရခြင်း မရှိနိုင်သည်ကိုလည်း နိဂုံးချုပ်ဝန်ခံရန် ရှိပါသေးသည်။

ဆရာတင်မိုးက “နှင်းဆီပွင့်ပေါ် အိပ်ပျော်ခြင်း” ကဗျာကို စွန့်လွှတ်အနစ်နာခံခြင်း၊ ရဲရင့်ခြင်း၊ အမှောင်ကို အံတုခြင်း၊ အောင်မြင် ကျော်လွှားခြင်းတို့အပေါ် နှစ်ခြိုက်စွာ အိပ်စက်ပျော်ဝင်ခြင်း ဆိုသော အဓိပ္ပာယ်များနှင့် ရေးခဲ့ခြင်းဖြစ်သည်ဟု ဆိုသည်။

ဆရာက ယင်းစိတ်ဓာတ်ကို စာဖတ်သူများ လက်ခံကျင့်သုံးလာစေရေး ရည်ရွယ်ပြီး ရေးခဲ့၏။ သို့ သော် ယခု ဤ စာကို ရေးနေစဉ် အချိန်အထိမူ ကျနော့်မှာ ဆရာတင်မိုး၏ ဆန္ဒကို ဖြည့်ဆည်း လိုက်နာနိုင်ခြင်း မရှိသေးပါ။ ကျနော်သည်ကား ယခုအချိန်အထိ “နှင်းဆီပွင့်ပေါ် အိပ်ပျော်နိုင်စွမ်း” မရှိသေးကြောင်း မိမိကိုယ်မိမိ သုံးသပ် ဝန်ခံရမည်ဖြစ်ပါသည်။


စာအုပ်အမည်။    ။ နှင်းဆီပွင့်ပေါ် အိပ်ပျော်ခြင်း
ရေးသူ။    ။ တင်မိုး
ထုတ်ဝေခုနှစ်။    ။ ၁၉၇၃ ဧပြီလ
ထုတ်ဝေသူ။    ။ ဒေါ်ကြည်ဝေ(ယုဝတီ ကြည်ဝေ) စိုးစံထိုက် စာစဉ်
အုပ်ရေ။    ။ (၄၀၀၀)

မှတ်ချက်။  ။ ၂၀၀၇ ခုနှစ် ဇန်န၀ါရီ လ၂၂ ရက် က အမေရိကန်နိုင်ငံ ကယ်လီဖိုးနီးယား ပြည်နယ် လော့စ် အိန်ဂျလိစ် မြို့တွင် ကွယ်လွန် ခဲ့သည့် ကဗျာ ဆရာကြီး တင်မိုး ကွယ်လွန်ခြင်း ၄ နှစ်ပြည့် အမှတ်တရ ဤဆောင်းပါးကို ဖော်ပြပါသည်။